Bəhram Bağırzadə konsertdə hansı məmurları parodiya edəcəklərini açıqladı
«Hazırda ciddi-cəhdlə konsertə hazırlaşırıq»
Bu sözləri martın 7-də AzadlıqRadiosunun «Can Bakı» proqramına qonaq olan tanınmış aktyor və şoumen Bəhram Bağırzadə söylədi.
Tanınmış şoumen konsertin ölkənin baş sarayında aprelin 13-14-15-də baş tutacağını bildirdi: ««Planet Parni iz Baku» teatrının konserti «Eurogülüş» adlanır».
Bəhram bəyin dediyinə görə, konsert Bakının qarşıdan gələn «Eurovision-2012» Mahnı Müsabiqəsinə hazırlığını hədəf alacaq: «Jeklər, Nəqliyyat Nazirliyi, meriya, cənab-yoldaş Abutalıbov və digərlərinin müsabiqəyə necə hazırlaşdığını parodiya edəcəyik».
«Gəncliyimin şəhəri» kitabı
Konsertin çox maraqlı olacağını deyən Bəhram Bağırzadə aparıcının: «soruşmuram, çünki bilirəm ki, ipucu verməyəcəksiniz» - sözlərinə baxmayaraq parodiyalardan birini könüllü «Can Bakı» proqramının dinləyiciləri ilə bölüşdü:
Rus jurnalist xanım mənə sual verir:
«Skajite pojaluysta, çtobı v Baku spokoyna i leqko dışalos, nado posadit mnoqo derevyev?» («Lütfən söyləyin, Bakıda arxayın və asan nəfəs almaq üçün çoxlu ağac basdırmaq lazımdır?»).
Bəhram Bağırzadə ilə yenicə çapdan çıxan Bakıya həsr olunmuş «Qorod moey molodosti» («Gəncliyimin şəhəri») kitabı haqqında maraqlı söhbəti yaxın günlərdə saytımızda oxuya bilərsiniz.
