-
Mayın 16-da İsveçin Malmö şəhərində «Eurovision 2013» mahnı müsabiqəsinin II yarımfinalı keçirildi.
Azərbaycan təmsilçisi Fərid Məmmədovun da iştirak etdiyi bu qrupda 17 ölkə arasından ancaq 10-u yarışı davam etdirəcəkdi. Münsiflərin və tamaşaçıların səsverməsi əsasında seçilmiş 10 ölkə arasında Azərbaycanın da adı var idi.
İndi Fərid Məmmədov «Hold me» mahnısını mayın 18-də keçiriləcək finalda ifa edəcək.
Finala çıxan digər ölkələr Macarıstan, Gürcüstan, Rumıniya, Norveç, İslandiya, Ermənistan, Finlandiya, Malta və Yunanıstan oldular.
Latviya, San Marino, Makedoniya, Bolqarıstan, İsrail, Albaniya, İsveçrə yarımfinal mərhələsini keçə bilmədilər.
Yarımfinaldan sonra keçirilən mətbuat konfransında Fərid Məmmədov ancaq final haqda fikirləşdiyini dedi. İfa etdiyi «Hold me» mahnısının arxasında hansısa mesajın olub-olmamağı haqda suala isə, sadəcə olaraq, onun müəlliflərinə təşəkkür etdiyini deməklə cavab verdi.
Qələbə və «Eurovision» finalının yenidən «Odlar yurdu»nda keçirilməsi haqda soruşanda isə «Niyə də yox?» dedi.
Sonda Fərid Məmmədov final çıxışının sırasını müəyyənləşdirmək üçün püşk çıxartdı. Mayın 18-də Azərbaycanı təmsil edən Fərid Məmmədov səhnəyə 2-ci çıxacaq.
Mayın 16-da İsveçin Malmö şəhərində «Eurovision 2013» mahnı müsabiqəsinin II yarımfinalı keçirildi.
Azərbaycan təmsilçisi Fərid Məmmədovun da iştirak etdiyi bu qrupda 17 ölkə arasından ancaq 10-u yarışı davam etdirəcəkdi. Münsiflərin və tamaşaçıların səsverməsi əsasında seçilmiş 10 ölkə arasında Azərbaycanın da adı var idi.
İndi Fərid Məmmədov «Hold me» mahnısını mayın 18-də keçiriləcək finalda ifa edəcək.
Finala çıxan digər ölkələr Macarıstan, Gürcüstan, Rumıniya, Norveç, İslandiya, Ermənistan, Finlandiya, Malta və Yunanıstan oldular.
Latviya, San Marino, Makedoniya, Bolqarıstan, İsrail, Albaniya, İsveçrə yarımfinal mərhələsini keçə bilmədilər.
Yarımfinaldan sonra keçirilən mətbuat konfransında Fərid Məmmədov ancaq final haqda fikirləşdiyini dedi. İfa etdiyi «Hold me» mahnısının arxasında hansısa mesajın olub-olmamağı haqda suala isə, sadəcə olaraq, onun müəlliflərinə təşəkkür etdiyini deməklə cavab verdi.
Qələbə və «Eurovision» finalının yenidən «Odlar yurdu»nda keçirilməsi haqda soruşanda isə «Niyə də yox?» dedi.
Sonda Fərid Məmmədov final çıxışının sırasını müəyyənləşdirmək üçün püşk çıxartdı. Mayın 18-də Azərbaycanı təmsil edən Fərid Məmmədov səhnəyə 2-ci çıxacaq.
