16:06
14.3.2014
RUSİYA SEPARATÇILIĞI UKRAYNANIN ŞƏRQİNDƏ
Rusiya separatçıları Ukraynanın şərq bölgələrində də fəaldırlar. Xarkov, Luqansk və Donetsk vilayətlərində Ukraynanın bölünməzliyi tərəfdarları ilə Rusiyapərəst qüvvələrin qarşıdurması baş verir. Martın 13-də Donetsk şəhərində baş verən toqquşmalarda 1 nəfərin həlak olduğu, onlarla adamın yaralandığı bildirlir. Yerli polis qüvvələri hadisələrin gedişinə müdaxilə etməkdə acizdirlər. Ukrayna daxili işlər nazirlii bildirib ki, Donetsk toqquşmalarına görə 4 nəfər həbs olunub. Ukrayna rəhbərliyi polisin fəaliyyətsizliyinin araşdırıldığını da bildirir. Rusiya xarici işlər nazirliyi bəyanat yayaraq ki, Donetsk faciəsində Ukrayna millətçilərini ittiham edərək, rusları müdafiə etmək əzmində olduğunu bildirib. Ukrayna parlamentindəki çıxışlarda isə deputatlar Rusiyadan gələn ekstremist separatçıları ittiham ediblər.
16:47
14.3.2014
#Ukrayna Krımın Qarabağa münaqişəsinə təsiri ola bilərmi? Rus diplomatı cavab verir http://t.co/CQfw5pDhRj
— AzadliqRadiosu (@RadioAzadliq) 14.3.2014
17:37
14.3.2014
Ukrayna sərhəd xidmətinin yayadığı məlumatda deyilir ki, Krım və Xerson vilayətlərinin sərəhddində, Çonqar kəndi yaxınlığında Krıma keçmək istəyən yaraqlı şəxslər saxlanılıb. Onlardan avtomar silahlar, sursat və hərbi geyim tapılıb. Məlumatda deyilir ki, yaraqlılar əsasən etnik çeçenlərdən təşkil olunmuş Rusiyanın "Şərq" xüsusi təyinatlı batalyonunun əsgərləridir. Bu batalyonun artıq Krıma daxil olması və Cankoy şəhərində yerləşdiyi bildirilir.
17:48
14.3.2014
QƏRB, KRIIM TATARLARI İLƏ YANAŞI PUTİNİN DAHA 1 PROBELMİ
Putininin Krım planlarının əsas problemi Qərbin reaksiyası və Krım tatarlarıdır. Lakin hadisələrin gedişi göstərir ki, daha bir problem yaranıb – Rusiyanın daxilində, milli vətənpərvərlik psixozuna qoşulmaq istəməyən ziyalıların müqaviməti. Əsl ziyalı, bəzən Qərbin sanksiyalarından da təhlükəli ola bilər. Məsələn, məşhur Rusiya aktyoru Mikhail Yefremovun 3 dəqiqəlik çıxışı rəsmi təbilğat maşınının titanik əməyinin üstündən xətt çəkmək gücündədir. Onun oxuduğu satirik şeir Böyük Pu ilanı haqqındadır. Kiplinqin məşhur Mauqli əsərinin qəhərmanlarından ibarət bu şeirdə cəngəlliyin bütün heyvanları Pu-nu əvəzolunmaz rəhbər hesab edirlər, çünki Əfi ilanın zəhmli baxışları qarşısında heyvanı qorxu hissi keçirirlər. Adı çəkilməsə də söhbətin Putindən getdiyinə şübhə azdır. Ehtimal etmək olar ki, Rusiya prezidentini ən çox qəzəbləndirən şeirin bu hissəsi olacaq – “Pu deyir, mən də belə - pis deyiləm, uzaqdan hətta yaraşıqlı görünürəm, sanki içi botoksla dolu prezervativəm...”