Ailə zorakılığı nədir - Şəxsi həyatın özəllikləri, yoxsa ictimai-sosial bəla? Bu zorakılıqlar cəmiyyəti hara aparır? 60 ildir bir yerdə yaşayan ailədə ailə zorakılığı olub, amma həm evin xanımı, həm də kişisi bunu normal qarşılayır.
Həmişə ailə zorakılığından danışanda, nədənsə, ancaq qadınlara qarşı zorakılıq başa düşülür. Kişilər heç zorakılıq qurbanı olurmu?
Əgər zorakılığın əlamətləri varsa, bunun qarşısını necə almaq olar ki, ailə qorunub saxlansın? «İkisi bir yerdə»də bu dəfə bu suallara cavab axtarılır. Qadın Krizis Mərkəzindən Mətanət Əzizova və psixoloq-genderşünas Asəf Kərəmov mövzunu müzakirə edir.