Azərbaycanda parlament seçkiləri [dəqiqəbədəqiqə]

Noyabr 01, 2015

Noyabrın 1-də Azərbaycanda parlament seçkiləri keçirilib. Rəsmi məlumata görə, Milli Məclisdə 125 yer uğrunda 767 namizəd mübarizə aparır.

Təşviqat kampaniyasına 1200-dən çox namizəd qoşulsa da, daha sonra onların bəziləri, o cümlədən Müsavat Partiyası üzvlərinin böyük əksəriyyəti seçkiyə qatılmaqdan imtina edib.

Müxalif Milli Şura daha öncədən seçkini boykot edərək, nəticələri tanımayacağını bildirib.

ATƏT-in Demokratik Təsisatlar və İnsan Haqları Bürosu Azərbaycanda budəfəki seçkiləri müşahidə etməyəcəyini açıqlayıb.

Ən yeni xəbərlər bloqun əvvəlində yerləşdirilir. Mətnin aşağısıdakı göy rəngli «davamı» düyməsini basmaqla, bloqu vərəqləmək, əvvəlki postlarla tanış olmaq da mümkündür.

10:01 1.11.2015

15 saylı Yasamal birinci seçki dairəsində qanunsuzluqlar

09:56 1.11.2015

Bu videonu Mehriban Zeynalova öz «facebook» səhifəsində paylaşıb

09:51 1.11.2015

Arif Hacılıdan ilkin reaksiya

«Hər bir vətəndaşın seçmək və seçilmək hüququ olduğu kimi, seçkilərdə iştirak etmək və etməmək hüququ var».

Bu fikri öz «facebook» səhifəsində Müsavat Partiyasının başqanı Arif Hacılı bölüşüb:

«Təbii ki, namizəd olmaq və olmamaq hüququ da bura aiddir. Bu seçkilərin ən ciddi pozuntularından biri də namizədliyini geri götürmüş şəxslərin adlarının seçki bülletenlərində saxlanmasıdır».

09:46 1.11.2015

Ramiz Mehdiyev səs verdi

Azərbaycan Prezidenti Administrasiyasının rəhbəri, akademik Ramiz Mehdiyev parlament seçkilərində səsvermədə iştirak edib.

axar.az xəbər verir ki, Ramiz Mehdiyev 29 saylı Səbail seçki dairəsinin 7 nömrəli seçki məntəqəsində səs verib.

Davamı