AZADLIQRADİOSUNDAN REAKSİYA
“Azadlıq” radiosunun Azərbaycan xidmətinin rəhbəri Kənan Kazımoğlu radionun Bakı bürosunun ofisində aparılan axtarışa münasibət bildirib.
Praqadan “Media forum” saytına telefonla verdiyi açıqlamasında Kənan Kazımoğlu bildirib ki, Bakıdakı ofisdə aparılan axtarış “Azadlıq” radiosuna qarşı təxribat hesab edirlər və Bakı bürosunun işinin pozulması istiqamətində atılmış addım kimi qiymətləndirirlər: "Bakı bürosu fəaliyyətini davam etdirir və etdirəcək. Heç bir halda işimizi dayandırmaq fikrimiz yoxdur”. Açıqlamanı ətraflı burada Media Forum saytında oxu.
AZADLIQRADİOSUNUN ƏMƏKDAŞLARI OFİSDƏN ÇIXARILDI
AzadlıqRadiosunun Bakı Bürosunun əməkdaşlarını prokurorluq əməkdaşları ofisdən çıxarıblar. Yalnız hal şahidlərinin iştirakı ilə ofisdə axtarış davam edir.
BAŞ PROKURORLUQDAN AZADLIQ RADİOSU İLE BAĞLI İLK AÇIQLAMA
Baş Prokurorluğun mətbuat xidmətinin rəhbəri Eldar Sultanov APA-ya deyib ki, "Azadlıq" radiosunun Bakı bürosunda aparılan axtarış Baş Prokurorluğun Ağır Cinayətlərə Dair İşlər üzrə İstintaq İdarəsində istintaq olunan cinayət işi ilə bağlıdır.