20.45
Bu saata qədər prokurorluğa gətirilənlərdən ifadə alınması başa çatıb
Dekabrın 28-də səhər tezdən başlanaraq polislərin evlərinə gələrək öncə polis idarələri, sonra da Baş Prokurorluğun Ağır Cinayətlərə Dair İşlər idarəsinin İstintaq İdarəsinə gətirilən AzadlıqRadiosunun 20-yə yaxın jurnalistinin dindirilməsi başa çatıb.
Jurnalistlərdən ifadələri ilə bağlı istintaq sirrini yaymama haqda iltizam alınıb. Ümumi olaraq verilən suallar sırf olaraq radio əməkdaşlarının peşə fəaliyyəti ilə bağlı olub.
Daha öncə jurnalistlərin Bazar ertəsi səhər tezdən idarədə vəkillə ifadə verməsi haqda razılığa baxmayaraq AzadlıqRadiosunun vəkili Yalçın İmanov Baş Prokurorun 1-ci müavini Rüstəm Usubovun qərarı ilə şahid qismində istintaqa cəlb edilib və işdən uzaqlaşdırlıb deyə, faktiki olaraq radionun əməkdaşları vəkil müdafiəsindən gözlənilmədən məhrum ediliblər.
#AzadliqRadiosu Novruz Məmmədov Daniel Bayerə cavab verir http://t.co/fLZFylyOpe via @radioazadliq
— AzadliqRadiosu (@RadioAzadliq) 29.12.2014
#AzadliqRadiosu Prezidentin sözçüsü Azər Qasımov Azadlıq radiosuna polis reydi haqda danışıb http://t.co/z6dwSBzFYo via @radioazadliq
— AzadliqRadiosu (@RadioAzadliq) 29.12.2014
AzadlıqRadiosu əməkdaşları yenidən istintaqa çağrılır
Dekabrın 29-da AzadlıqRadiosunun jurnalistləri və texniki heyətinin yenidən dindirilməsinə başlanıb. Bu saata qədər artıq 3-4 əməkdaşın ifadəsi alınıb, birinin ifadəsi hələ davam edir.
Baş Prokurorluğun Ağır Cinayətlərə Dair İşlər İdarəsinin müstəntiqləri AzadlıqRadiosunun əməkdaşlarına və ştatdan kənar işçilərinə ifadə vermək üçün idarəyə çağırıb və və hazırda ifadələri alınır.
AzadlıqRadiosunun vəkili Yalçın İmanov Baş Prokurorun 1-ci müavini Rüstəm Usubovun əmri ilə özü prosesə şahid qismində cəlb edildiyindən faktiki olaraq AzadlıqRadiosunun bir çox əməkdaşlarının ifadələri hüquqşünasların iştirakı olmadan alınır.