Məşhur aktyor Steven Seagal Bakıdadır
Hollivudun məşhur ulduzu, aikido ustası Steven Seagal Bakıya gəlib. Onun Bakıda çəkilən fotoları sosial şəbəkələrdə yerləşdirilib. Sosial media xəbərləri əsasında Qafqazinfo məlumat verir ki, Bakı Crystal Hall-da olan qonaq aikidoçulara məşq də edib.
Hollivud ulduzunun səfərinin məqsədi isə bəlli deyil.
Həbslər Beynəlxalq Bankın keçmiş və indiki məsullarına keçdi
APA-nın məlumatına görə, Azərbaycan Beynəlxalq Bankından yüksək məbləğdə kredit götürərək vəsaitləri qaytarmayan bankın sabiq məsul vəzifəli əməkdaşları və iş adamları - Beynəlxalq Bankın Mərkəzi filialının direktoru olmuş İlqar Abdullayev, Beynəlxalq Bankın Nəqliyyat filialının direktoru vəzifəsində işləmiş Kənan Orucov, Beynəlxalq Bankın inzibati binalarının mühafizəsini həyata keçirən “İnter Security” MMC-nin baş direktoru İbrahim Hüseynov, “Azərinşaatservis” MMC-nin Müşahidə Şurasının sədri Arif Həsənov, “Azərinşaatservis” MMC-nin təsisçisi olduğu “Trek İnvest” SC-nin direktor əvəzi Əli Əlişov və “İnter Glass” ASC-nin direktoru Fariz Muradov həbs olunublar.
Berlusconiyə 240 illik şərab verən zavod direktoruna qarşı cinayət işi
Ukrayna prokurorluğu bildirir ki, Krım şərabçılıq zavodunda saxlanan 240 illik şərabı Rusiya prezidenti Vladimir Putin və İtaliyanın keçmiş baş naziri Silvio Berlusconi üçün açmış zavod direktoru Pavlenko-ya qarşı ittihamnamə üzərində işləyir. Prokurorlar iddia edirlər ki, Putin və Berlusconi Krımda səfər zamanı məşhur Massandra şərab zavodunda olarkən yaşı 240 il olan şəraba qonaq ediliblər.
Əli Həsənov jurnalistlərin saxlanmasından danışdı
Əli Həsənov: "Bir sıra xarici media qeyri-qanuni fəaliyyət göstərir..." . "İnteraz", "Euroaz" televiziya kanalları, «Amerikanın səsi» radiosu, «Meydan TV» internet saytı və bir sıra digər xarici media orqanları və onların əməkdaşları dəfələrlə xəbərdarlıq edilməsinə baxmayaraq, bu günə qədər müvafiq qaydalara əməl etmir. Ölkə daxilində qeyri-qanuni fəaliyyət göstərirlər.