2007-ci ildə Azərbaycan Rusiya və İrandan qaz almasa belə yerli qaz ölkə əhalisinin ehtiyacını təmin edə bilər. Baş nazirin müavini Yaqub Eyyubovun sözlərinə görə, Azərbaycan Rusiya qazını aşağı qiymətlə almaq niyyətindədir: «Azərbaycan aşağı qiymətə qaz almağa ümid edir. 110 dollara bu il alırdıq. Ancaq, İrandan və Rusiyadan qaz almasaq belə öz qazımız ölkəni təmin edəcək».Gələn il üçün Rusiyadan hansı miqdarda və hansı qiymətə təbii qaz alınması ilə bağlı müzakirələr isə hələ davam edir.
