Mayın 13-də 10 dairə üzrə keçirilmiş təkrar parlament seçkilərinin nəticələri açıqlandı. Bütün məntəqələrindən gələn göstəricilər hesablandıqdan sonra MSK liderlik edən namizədləri müəyyənləşdirib. Bolqarıstan İctimai Birliyi üçün Azərbaycanda Vətəndaş Cəmiyyətinin İnkişafına Yardım Assosiasiyasının –AVCIYA və Beynəlxalq Respublikaçılar İnstitutunun (BRİ) keçirdikləri «exit-poll»lar bütün dairələr üzrə rəsmi nəticələrlə üst-üstə düşür.
| DAİRƏ | SOYADI, ADI, SİYASİ MƏNSUBİYYƏTİ | MSK | BRİ | AVCIYA |
| 9 Binəqədi ikinci | Cəbrayılov Rəfael, bitərəf | 31,87% | 27,7% | 28% |
| 31 Suraxanı ikinci | Vəliyev Əhməd, YAP | 72,55% | 67,8% | 67% |
| 38 Nizami (Gəncə) ikinci | Hacıyev Asəf, bitərəf | 62,6% | 64,2% | 67% |
| 42 Sumqayıt ikinci | Kərimov Məcid, YAP | 81,8% | 79,7% | 80% |
| 44 Sumqayıt-Abşeron | Tağıyev Baba, bitərəf | 64,77% | 59% | 49% |
| 69 Cəlilabad-Masallı-Biləsuvar | İbrahimli Fəzail, VHP | 49,28% | 43,6% | 44% |
| 103 Gədəbəy | Məmmədhəsənov Rafiq, YAP | 56,64 | 44,8% | 55% |
| 106 Tovuz-Qazax-Ağstafa | İsmayılov İlyas, Ədalət | 71,14% | 65,4% | 67% |
| 110 Zaqatala | Atayev Hikmət, YAP | 65,02% | 49,1% | 72% |
| 119 Ağdam kənd | Sadıqov Bəxtiyar, YAP | 63,03% | 71% | 58% |
Təkrar seçkilərdə 124 namizəd iştirak edib. Onların 60 nəfəri bitərəf, 17 nəfəri isə partiya mənsubiyyətini göstərməyib. 10 nəfər müxalifətdə olan Müsavat, 8 nəfər isə hakim Yeni Azərbaycan Partiyasını təmsil edirdi. Qalan 29 namizəd isə 12 müxtəlif partiyanın təmsilçiləri idi. Namizədlərin 106-sı kişi, 18-i qadındır.
Seçkiləri müşahidə etmək üçün 20-dən yuxarı beynəlxalq qurumu təmsil edən 165 beynəlxalq müşahidəçi qeydə alınıb. Namizədlərin vəkilləri ilə birlikdə, həmçinin KİV təmsilçilərini də nəzərə alsaq seçkiləri 6500-ə qədər müşahidəçi izləyib.
Rəsmi nəticələr 20 gün müddətində şikayətlər araşdırıldıqdan və Konstitusiya Məhkəməsinə göndərildikdən sonra açıqlanacaq.
