İlham Əliyev iftar süfrəsində
Prezident İlham Əliyev şeyxülislam Allahşükür Paşazadənin müqəddəs Ramazan ayı münasibətilə öz iqamətgahında təşkil etdiyi iftar süfrəsində çıxış edib. O,xalqa sülh və xoşbəxtlik arzulayıb. O deyib ki, "Xalqla iqtidar arasında möhkəm birlik var”, "Azərbaycan xalqının taleyi öz əlindədir”
Mərkəzi Bank özünü asan gənclə bağlı bəyanat verdi
Mərkəzi Bank bildrir ki, iyulun 8-də Bərdə rayonunda intihar etmiş Elşad Vaqif oğlu Dadaşovun kredit borcu olmayıb.
Araşdırmalar nəticəsində müəyyən olunub ki, həmin şəxsin hər hansı kredit təşkilatına borcu olmayıb və ümumiyyətlə, baş verən hadisənin bununla əlaqəsi yoxdur.
Ancaq bu intiharın kreditlə bağlı olması istisna edilsə, belə, "Bizim yol" qəzeti yazır ki, son 4 ayda kreditlə bağlı 3 borclu özünü öldürüb.
Kürdən gələn su magistralında qəza
Kür sutəmizləyici qurğularından Bakı şəhərini içməli su ilə təmin edən magistral kəmərlərdən birində baş vermiş qəza ilə əlaqədar Səbail, Yasamal və Binəqədi rayonlarının müəyyən hissələrinə içməli suyun verilməsində fasilələr yaranıb. Başqa sözlə, su kəsilib.
Qəzanın qısa müddətdə aradan qaldırılması istiqamətində iş aprıldığı bildirilir. Ancaq vaxt deyilmir.
Arda Turan: "Messi - futbol tarixinin ən yaxşı oyunçusu"(video)