Bakı bağları: ayı 8000!
Bilgəhdə bağ var yayda kirayəyə 8 min manat verilir. Aylıq...Yaxşı bağların kirayəsi ayda 2-3 mindir. Ən ucuzlar ayda 150-200 manatdır. Müxbirimizin araşdırması az sonra saytımızda olacaq
İyulun 7-də AzadlıqLive-da radioda bu mövzuları müzakirə etdik:
Ordudan tərxis gecikirmi?
Təcili yardım gec gəldi, həkim bıçaqlandı
Yayda Bakı bağlarında kirayə neçəyədir?
Qeyri-bank pul köçürmələri və bunun problemləri
Əmanətlər yenə coraba yığılır
İslam Dövləti təşkilatının illik büdcəsi 2 milyard dollardır
Komissiya tək-cüt nömrə qaydasında razılığa gəlmədi
Bakıda tıxaclarla mübarizədə Yol Hərəkətinin Təhlükəsizliyi Komissiyasına gələn əsas təkliflər məlum olub. Komissiyanın iclasında iki məsələ ilə bağlı ümumi fikrə gəlinməyib. Dövlət Yol Polisi İdarəsinin Komissiyaya təqdim etdiyi təklif Bakıda qeydiyyatda olan avtomobillərlə bağlıdır. Təklif edilir ki, həftənin tək günlərində dövlət qeydiyyat nömrəsi cüt rəqəmlə bitən avtomobillərin, həftənin cüt günlərində isə dövlət qeydiyyat nömrəsi tək rəqəmlə bitən avtomobillərin Bakıda hərəkətinə icazə verilsin. Bu təkliflə bağlı Komissiyanın iclasında yekun rəyə gəlmək mümkün olmayıb. Mübahisə doğuran digər məsələ, rayon maşınlarının səhər 7-dən axşam 12-yə kimi Bakıya buraxılıb-buraxılmamasıdır.
Əsgərlər iyulun 20-nə kimi tərxis oluna bilər
Hərbi qulluq vaxtını tamamlayan əsgərlər niyə hələ də ordudan tərxis olunmurlar? Millət vəkili Zahid Oruc Modern.az-a deyib: "Müdafiə nazirliyinin yerinə danışmaq çətindir. Mənim bildiyim ondan ibarətdir ki, bəzi hərbi hissələrdə hərbi xidmət müddətini başa vuran hərbiçilər daha bir neçə ay qulluq keçəcəklər. Lakin bunun ölkədəki bütün hərbi hissələrə şamil olunması da doğru deyil. Hesab edirəm ki, xidmət müddəti başa çatan digər hərbi qulluqçular iyulun 20-ə qədər ordudan tərxis olunacaqlar”.
Ehtiyatda olan zabit Üzeyir Cəfərli Azadlıq Radiosuna deyir ki, qanunla, tərxis iyulun 30-na kimi baş verə bilər.